专辑：畸诗集
我讨厌自己并且想死
呢个念头不停喺心头涌起
生存比起死 需要付出更加大嘅勇气
嚟到最尾 用最后嘅勇气写最后嘅日记 x2
今日完结嘅一日
当你睇到呢一页嘅时候我已经消失
我嘅遗体可能已经喺殓房全身发黑
堆积如山嘅烂衫同账单 算系我嘅遗 物
我嘅丧礼会播住我嘅歌
我嘅亲朋 我嘅敌人听住我嘅歌 送别我
跟住人龙 瞻仰遗容 再点火
之后就将我烧淨嘅骨灰
放入我细个踢波赢番嚟唯一嘅奖杯
请恕我失陪 身心已经崩溃 好攰好攰
再行唔到落去 唯有撤退
每一步都有留低我绝望嘅眼泪
对抗世界嘅秩序 就判决我为另类
我唔介意死后被神指责 令我无得上天堂
我只系希望喺地狱 可以收到你地烧俾我纸扎嘅任天堂
任天堂再宽鬆 亦无可能包容我嘅癫狂
开始将自己锁埋喺睡房
连续多年失眠 令我讨厌软枕高床
延续多年前嘅愿望 决定远走彼岸
感觉有如终于鬆绑
个世界要汰弱留强
我讨厌呢种生活 讨厌生命太长
我嘅天空永远睇唔见温暖嘅太阳
命运安排我嘅定位系喺坟场嘅中央
我天生悲观 点解要迫我乐观
终日鬱鬱不欢 今日终于可以 落棺
我嘅离开 你地并唔需要悲哀
唔需要感慨 只要用笑容帮我冚盖
选择呢条路 我并唔系睇唔开
只系太清楚 无未来 唯有尽快 投胎
重複嘅等待 无数嘅伤害 茫茫嘅苦海
上帝嘅主宰 无办法去篡改
尝试过平凡嘅生活 晚五朝九
但每当坐喺写字楼就会喺窗口见到死神向我招手
究竟边个可以帮我跳过呢个关口
越系极力逃走 反而越接近生命嘅尽头
我唯有亲手系额头割一个十字形嘅伤口
任由血液一滴一滴流走
我讨厌自己并且想死
呢个念头不停喺心头涌起
生存比起死 需要付出更加大嘅勇气
嚟到最尾 用最后嘅勇气写最后嘅日记
我讨厌自己并且想死
呢个念头不停喺心头涌起
生存比起死 需要付出更加大嘅勇气
嚟到最尾 用最后嘅勇气写最后嘅日记
（我讨厌自己并且想死）
（我讨厌自己并且想死）
（我讨厌自己并且想死）
（我讨厌自己并且）