歌名：就係麦太临盆既时候
歌手：麦兜
专辑：麦兜故事
制作：LRC歌词网 lrcgc.com
歌曲名： 就係麦太临盆既时候

麦兜：就系麦太快要临盆既时候
有一个胶兜向九龙既上空飞过
沿住荔枝角道直出大角咀道，
经过好彩酒家, 再左转出番花园街乐园牛丸王既对上
唔系喎，先去街市大楼个间妹记鱼脯粥个度转下转下
都系出番去亚皆老街飞过火车桥右转入太平道
再右转屈番出去窝打老道向女人街方向
最后胶兜飞左入去广华医院既候产房
亦即系麦太右边「云精」对上
都系唔好，左边「云精」对上，转下转下转下……
麦太认定呢个系异象，于是向「云精」对上既胶兜许愿
而脑入面，亦实时出现左佢快要出世既仔既样
麦太：希望佢好聪明，读书好叻。
麦兜：胶兜对麦太既愿望似乎无咩表示喎
于是，佢对胶兜补充咁话……
麦太：或者读书唔叻，出黎做野叻呢﹖又或者呢……
麦兜：又或者系好靓仔好靓仔，好似周润发同埋梁朝伟咁靓仔
胶兜似然系咁系度转，好似一的应承既迹象都无
麦太一时心虚，拿拿临系胶兜未落地之前起过另一个愿
拿就算唔系咁聪明咁靓仔，只要福声高照一世够运
乜野事都逢凶化吉呀下。
麦太：佢靠自己有料解决的野就梗系好啦
不过运气都好紧要喎。
虽然似梁朝伟周润发，都唔慌佢无运行
但系都要叻仔先得架
胶兜：啪……嘀嘀督督……(落地声)
麦兜：最系胶兜「嘀督」一声落地，
嘀督……嘀督喎，即系应承啦。
麦太心谂今次冇死啦，但系应承左的咩呢﹖
叻仔？？？好运？？？定系话似周润发呀？？？
为左记念哩个赐福既胶兜，麦太决定将个仔既名叫做麦胶
麦太：都系唔好……胶胶声咁难听，不如叫麦兜啦
麦兜：各位，我就系哩个差少少就叫做麦胶既小朋友--麦兜