专辑：TIme Travel
制作：RongxXin
Mr Gip, It's a secret to keep…
佢地叫我 Mr Gip 箧先生
我觉得个名应该再型啲先至岩 我生得忠厚老实四四方方
就等我带你返去故事开始嘅地方
嗰时我锺意同啲兄弟坐喺货架上面 假想住
某日会同边个一齐去边
我地聊天倾音乐倾电影倾女人 倾到头晕眼花倾到通宵唔想训
有时女仔行过铺头门口感觉如此近
但大部份都有想买嘅野扑紧去揾
而小数人会入嚟随便望下 佢地得閒行街多数系放紧假
有啲人会同老细讨价还价 但喺睇佢地个样就知喺运吉玩下
冇办法连佢地都唔知自己想要乜 情急上嚟求其执起一件就走
如果用得就手就可以留 反之就抛弃人地当人地喺气球
而随住时间嘅慢慢流走
我啲兄弟走晒得返我一个喺铺头留守
老板见我冇人齁将我摆左去角落头
嗰之后又经过左几多个春秋
终于有个主人佢肯拖起我隻手
Mr Gip 我系Mr Gip 我满载你嘅欢乐悲伤痛苦心情
Mr Gip 我系Mr Gip 寂寞系我唯一嘅朋友如影随形
Mr Gip 佢有一啲啲 钟意你但系又唔够胆话畀你知
Mr Gip 佢系Mr Gip 佢去过世界各地唔记得屋企响边
我嘅主人系一名在校女大学生 生得清秀
钟意化淡妆 乡下喺湛江 唔钟意畀人淡忘 想要绽放
嘅系 柔顺嘅头发 写文章同画画时钟意留白
仲有屋企楼下嘅流浪猫狗都由佢负责义务喂养
佢钟意睇戏 行街 K都可以唱
但最钟意都系旅行佢间房墙上贴住一张世界地图上边有佢影嘅相
去过嘅地方同埋将来嘅目的地
巴黎 伦敦 东京 温哥华 悉尼
我想同佢讲：有幸识到你真系我福气
仲有好多野想问你但系唔得 因为你有个男朋友佢大江南北
都走遍 过住过好多间唔同嘅酒店 房入边
我睇住你地喺我面前 缠绵 我睇住佢对你嘅感情变迁
曾经爱到水深火热但而家变浮浅
佢甚至乎已经开始对你敷衍
你嗰日终于受左伤 喺机场 怕喺我嘅身上边
不停咁喊 我几想揽住你 hold you in my arms
Mr Gip 佢系Mr Gip 佢陪你笑陪你喊陪你每一天
Mr Gip 佢系Mr Gip 佢胸襟广阔善解人意温柔体贴
Mr Gip 佢系Mr Gip 佢收藏你嘅回忆唔记得自己嗰啲
Mr Gip 佢系Mr Gip 佢陪你周游列国无论落雨定晴天
你次次shopping完都要我帮手 顺便装埋啲手信 同畀父母嘅信件
仲有寄畀朋友嘅明信片 随时话畀佢地知旅行嘅进展
北半球系深秋南半球系春天 天气晴朗心情好似云嘅形状
可能可以见到成片薰衣草盛放 夜晚嗰时会见到萤火虫发出荧光
伴住星光 一浪接一浪嘅海水都难以表达我而家嘅情绪
我地成日出双入对就好似情侣
但系搵唔到任何相爱嘅证据
Mr 箧 钟意同你一齐搭lift 我钟意同你行传送带
我钟意你捉住我隻手拖住我四围走
我可以为左你贴上标签 我可以成为你生命中嘅一个标点符号
我跌低嗰时你会将我扶好 你嘅一颦一笑已经将我俘虏
无论未来嘅日子有几枯燥我会陪住你直到天荒地老
直到你变左做一个老太婆 可能我已经讲得太多
虽然你同我从来都冇相爱过 但你嘅一切我都曾经装载过