专辑：畸诗集
制作：hiutsing
制作：WONGHIUTSING421
从出生嘅一刻我一直用尽气力走到今日
仍然未搵到出路面面碰壁 思觉休克
从前嘅盼望 如今逐一流失
唯一 纯真与渴望 从此收喺心底成为秘密
逃跑 用双脚同命运抗衡 同时间赛跑
寻找 极乐嘅果实将空虚心灵填饱
美貌 掩饰真实价值如同一张偽钞
互嘲 每日环绕喺身边 我唯有怒吼
背负住生命嘅重担 令我举步维艰
无时间分清人与人嘅言行 人人狼狈为奸
我已经习惯 喺呢个鱷鱼潭渡过每一晚
有某啲时间我怀疑自己究竟有无能力继续去生还
身边嘅朋友对世界完全漠不关心
搵藉口去逃避世界 痛快係嚟自一针又一针
当初一颗赤子之心 如今失去方针
由一杯鲜红嘅烈酒变成透明嘅香檳
偶尔翻开旧报章 见到毫不起眼嘅一栏
为争產 动刀动枪 可以骨肉相残
向兄弟连发数响 仍然可以视作等閒
人与人之间嘅距离已经变成一条深坑
有人为求达到经济效益不断发动战争
无人愿意企出嚟为世人利益献身
同你惺惺相惜嘅人背后另有目的
越係极力去掩饰 反而越显得著跡
种种嘅压力 不断将我逐寸蚕食
我寻觅 最沉寂嘅一个空间俾我继续沉溺
我只係想要一个密室俾我放心沉睡
可惜一切已被物质逐一佔据 我撤退
年纪轻轻嘅女孩 为得到名牌 将肉体出卖
口口声声话世界 唔会笑娼只会笑贫嘅失败
将当日天真烂漫嘅小女孩好好收埋
化上浓妆 著上高争鞋 变成可以出卖嘅少艾
时间嘅巨轮喺我身上留下深刻嘅伤痕
我不断追寻 引领我黑夜飞行嘅一盏明灯
心中嘅愿望几时可以成真
我诚心 恳求上天赐我一剎那光辉 唔需要永恆
如果神爱世人 又点有可能任由一切厄运喺我身上发生
所有嘅不幸 喺我脑海不断咁重温
请回答以上嘅质问 我嘅动机只係求真
灰色嘅天空已经见唔到美丽既彩虹
旁人嘅嘲讽 令我实在无办法宽容
奸狡嘅巨人仍然自封正义英雄
敲诈攻打异国嘅人民仍然可以面不改容
用庸人嘅眼光根本无可能睇见雍容
华贵美丽背后丑行嘅伏线
你係被物质渲染 定係你视而不见
我带住良心嘅宝剑 决定同假象交战
与其攞咁大嘅勇气出嚟面对现实
倒不如痛痛快快咁企出嚟改变事物
呢一个道理 祈望为人生带来转机
我清楚知道生命苦短最终难逃一死
生老病死係最公平嘅过程 我绝对唔会逃避
你有无试过抚心去问最真实嘅自己
到底你活喺呢个世界是喜是悲
有无曾经分清真伪是非