歌名：给嫲嫲
歌手：彭纪谚
专辑：潜水钟与蝴蝶
制作：活在当下
彭纪谚 - 给嫲嫲

作曲：蔡一智
填词：彭纪谚
编曲：谭国政
监制：蔡一智

www.lrcgc.com 卜超 制作

我最爱嘅嫲嫲，你知道吗？
睇住你嘅头发一日比一日苍白
你嘅眼睛无以前咁精灵
双脚越嚟越无力，行两行，就喘气，
你仲话，嫲嫲无用喇，无晒记性喇...

现实好残忍...一日一日将你嘅身体拖落去，越沉越深...
当你发觉你已经满头白髪，双眼睇唔见，双脚行唔郁
甚至连我系边个，你都唔记得嘅时候，唔通...
你咁就觉得...你毫无贡献...系我哋嘅负累？
系我哋嘅潜水钟咩？

天与地不会忘记心里面总有希望 谁害怕 疲累吗
想起我吗 跟我来一个游戏 一对蝴蝶在回味
能容纳我带你陪伴你拍翼高飞

你仲记得吗？以前你就系咁宠坏我...
我眼瞓嘅时候，你会轻轻拍我嘅背脊
比我舒舒服服嘅瞓个晏觉；
我行到攰嘅时候，你会将我背起，一直背到返屋企；
我肚饿嘅时候，你会整你拿手嘅糕点；
我开心，向你卖口乖嘅时候
你会用力揽实我可能喱个系你最满足嘅时候
因为我感受到，你整个人都甜到融化咗...

天与地不会忘记心里面总有希望 谁害怕 疲累吗
想起我吗 跟我来一个游戏 一对蝴蝶在回味
能容纳我带你陪伴你拍翼高飞

喺我心入面，你始终都系咁可爱...
你始终都系咁伟大...
你知道吗？你不单止唔系一个沉落去的潜水钟
其实系你一双美丽嘅蝴蝶！

我相信，到咗今日嘅情境，系上天比我报答你嘅机会...
你嘅白髪，提醒我要多啲陪你；
你嘅双眼，提醒我要勇敢为将来打算；
你嘅双脚，提醒我要脚踏实地；
等你仲记得我嘅时候，我都系一个值得你骄傲嘅乖孙！

嫲嫲，我爱你